Werynrjochting Felixwei yn Stiens
De Felixwei yn Stiens is ta oan grut ûnderhâld. It asfalt is fersliten en dêrom pakke wy de strjitte oan. Wy sjogge dêrby ek hoe’t wy de strjitte feiliger en oersichtliker meitsje kinne, foaral om CBS De Sprankel hinne.
Wat sil der feroarje
Wy pakke de Felixwei oan fanôf de krusing mei de Pim Mulierwei oan de krusing mei de Hellastrjitte ta, foarby CBS De Sprankel.
30-km-sône
De Felixwei is in 30-km sône, mar dat is net dúdlik. Dêrom passe wy de strjitte oan:
- Utritkonstruksjes by de Pim Mulierstrjitte en Hellastrjitte.
- Smellere rydbaan sadat auto’s stadiger ride.
- Ferhege plato by de Perzenstrjitte.
Skoallesône by CBS De Sprankel
De skoalleomjouwing is no drok en ûnoersichtlik. In soad âlden ride de strjitte yn om in plak te sykjen. Dat soarget foar gefaarlike situaasjes foar fytsers en bern. Dêrom:
- Der komme twa echte drompels oan beide kanten fan de skoalsône.
- Der komt read asfalt foar bettere werkenning.
- Tsien parkearplakken ferdwine tsjinoer húsnûmers 10 oant en mei 24.
- Der komme dúdlike oerstekplakken foar fuotgongers.
- Wy pleatse opfallende kleurde peallen om de skoalsône ekstra sichtber te meitsjen.
Ut parkeartellingen blykt dat it skrappen fan tsien parkearplakken ferkearskundich kin. Minder parkearplakken betsjut minder sykferkear en dus mear feiligens.
Beammen
De beammen bliuwe stean. Se binne yn goede kondysje.
Stoepen en ynritten
- Alle stoepen wurden opnij fluorre en dêr’t dat nedich is ferbrede nei 1,80 meter.
- Ynritten krije stevige, dikke tegels.
Planning
Nei de simmer fan 2026 binne wy starten mei de wurksumheden oan de Felixwei. It earste diel is wilens klear. Dat is it diel tusken de Pim Mulierwei en CBS De Sprankel.
Yn de rest fan de strjitte wurkje wy noch oan de strjitfluorring en it asfalt. Ek meitsje wy de grûn lâns de dyk wer netsjes. Wy ferwachtsje healwei novimber 2026 klear te wêzen.
Meitinke en meiprate
Oan it begjin fan it projekt giene wy yn gesprek mei buertbewenners en Pleatslik Belang Stiens. Wy besprutsen oft de Felixwei neist ûnderhâld ek in feiligere en bettere ynrjochting nedich hie. Ut dy petearen blykte dat hjir ferlet fan wie. Dêrom makken wy in ûntwerp foar in bettere en feiliger ynrjochting fan de strjitte.
It ûntwerp besprutsen wy mei de Ferkearskommisje Stiens. Op in ynrinjûn koene bewenners fragen stelle en reagearje op de plannen. Der wiene gjin opmerkingen dy’t oanpassing fan it ûntwerp noadich makken.
Fragen
Nim kontakt op mei de gemeente Ljouwert.
Fluch oan:
Wat sil der feroarje
Wy pakke de Felixwei oan fanôf de krusing mei de Pim Mulierwei oan de krusing mei de Hellastrjitte ta, foarby CBS De Sprankel.
30-km-sône
De Felixwei is in 30-km sône, mar dat is net dúdlik. Dêrom passe wy de strjitte oan:
- Utritkonstruksjes by de Pim Mulierstrjitte en Hellastrjitte.
- Smellere rydbaan sadat auto’s stadiger ride.
- Ferhege plato by de Perzenstrjitte.
Skoallesône by CBS De Sprankel
De skoalleomjouwing is no drok en ûnoersichtlik. In soad âlden ride de strjitte yn om in plak te sykjen. Dat soarget foar gefaarlike situaasjes foar fytsers en bern. Dêrom:
- Der komme twa echte drompels oan beide kanten fan de skoalsône.
- Der komt read asfalt foar bettere werkenning.
- Tsien parkearplakken ferdwine tsjinoer húsnûmers 10 oant en mei 24.
- Der komme dúdlike oerstekplakken foar fuotgongers.
- Wy pleatse opfallende kleurde peallen om de skoalsône ekstra sichtber te meitsjen.
Ut parkeartellingen blykt dat it skrappen fan tsien parkearplakken ferkearskundich kin. Minder parkearplakken betsjut minder sykferkear en dus mear feiligens.
Beammen
De beammen bliuwe stean. Se binne yn goede kondysje.
Stoepen en ynritten
- Alle stoepen wurden opnij fluorre en dêr’t dat nedich is ferbrede nei 1,80 meter.
- Ynritten krije stevige, dikke tegels.
Planning
Nei de simmer fan 2026 binne wy starten mei de wurksumheden oan de Felixwei. It earste diel is wilens klear. Dat is it diel tusken de Pim Mulierwei en CBS De Sprankel.
Yn de rest fan de strjitte wurkje wy noch oan de strjitfluorring en it asfalt. Ek meitsje wy de grûn lâns de dyk wer netsjes. Wy ferwachtsje healwei novimber 2026 klear te wêzen.
Meitinke en meiprate
Oan it begjin fan it projekt giene wy yn gesprek mei buertbewenners en Pleatslik Belang Stiens. Wy besprutsen oft de Felixwei neist ûnderhâld ek in feiligere en bettere ynrjochting nedich hie. Ut dy petearen blykte dat hjir ferlet fan wie. Dêrom makken wy in ûntwerp foar in bettere en feiliger ynrjochting fan de strjitte.
It ûntwerp besprutsen wy mei de Ferkearskommisje Stiens. Op in ynrinjûn koene bewenners fragen stelle en reagearje op de plannen. Der wiene gjin opmerkingen dy’t oanpassing fan it ûntwerp noadich makken.
Fragen
Nim kontakt op mei de gemeente Ljouwert.