Beswier meitsje tsjin gemeentlike belestingen

Binne jo it net iens mei jo oanslach? Bygelyks de WOZ-wearde, Unreplikesaakbelesting (OZB), Rioelheffing (RIO) of Offalstoffeheffing (AFV), hûnebelesting, parkearbelesting, prekariobelesting, (wetter)toeristebelesting of leezjes? Jo kinne maklik sels digitaal beswier meitsje. Doch dit binnen seis wiken nei de datum dy’t op de oanslach stiet.

Hoe meitsje jo beswier?

WOZ-wearde

Freegje earst in taksaasjeferslach WOZ op.

Binne jo partikulier of ZZP’er? Meitsje beswier fia de Digitale Belestingbaalje. Jo hawwe in DigiD nedich.
Binne jo ûndernimmer en gjin ZZP’er? Meitsje beswier fia it formulier Beswier gemeentlike belestingen. Jo hawwe E-werkenning nedich.

OZB, Rioel- en wettersoarchheffing, Offalstoffeheffing, Hûnebelesting, Prekario (fartugen en terras)

Binne jo partikulier of ZZP’er? Meitsje beswier fia de Digitale Belestingbaalje. Jo hawwe in DigiD nedich.

Binne jo ûndernimmer en gjin ZZP’er? Meitsje beswier fia it formulier Beswier gemeentlike belestingen. Jo hawwe E-werkenning nedich.

Neiheffingsoanslach, Parkearbelesting, Prekariobelesting, Begraafrjochten, Toeristebelesting, Wettertoeristebelesting, Leezjes, Havenjilden, Fearjilden

Meitsje beswier fia it formulier Beswier gemeentlike belestingen. Tsjin ’e hichte fan it taryf kinne jo gjin beswier meitsje.

Kinne of wolle jo net digitaal beswier yntsjinje?

Jo kinne skriftlik beswier yntsjinje. Stjoer it beswierskrift op nei:
Gemeente Ljouwert

Postbus 21000

8900 JA Ljouwert

Wat skriuwe jo yn it beswierskrift?

Jo namme, adres, telefoannûmer en e-mailadres;
de datum dat jo de brief skriuwe;
it oanslachnûmer dêr’t jo it net mei iens binne;
de reden fan jo beswier;
jo hantekening;
as immen oars in beswierskrift foar jo yntsjinnet, stjoer dan in troch jo ûndertekene skriftlike machtiging mei;
eventuele bewiisstikken lykas in kopy fan de hieroerienkomst.

Beswier meitsje fia no-cure no-pay bedriuwen is net fergees.

In soad bedriuwen biede oan ‘fergees’ beswier te meitsjen tsjin de WOZ-wearde. Dat wurdt ‘no-cure no-pay’ neamd.

In beswier yntsjinje fia in no-cure no-pay bedriuw is net écht fergees.

As in beswierskirft kloppet en in bedriuw hat foar jo beswier makke, dan moat de gemeente in kostefergoeding betelje oan dat bediuw. Op dy manier fertsjinnet it no-cure no-pay bedriuw in soad jild oan de gemeente.

Uteinlik betelje jo dêr ek oan mei.

De gemeente moat dy kostefergoeding foar de no-cure no-pay bedriuwen ergens fan betelje. Wy moatte dan de belestingtariven ferheegje.

Moatte jo de oanslach wol of net earst betelje?

Meitsje jo beswier tsjin de WOZ-wearde?

Dan moatte jo de belestingoanslach wol earst betelje. Soms hoege jo in part noch net te beteljen. Dat hjit útstel fan betelling. Jo krije dit útstel allinnich foar it diel dêr’t jo beswier tsjin meitsje. Dit jildt as jo beswier meitsje tsjin:

Gemeentlike heffingen (OZB, rioel- en wettersoarchheffing, ôffalstoffeheffing, hûnebelesting, prekario (fartugen en terrassen)
Leezjes en prekariobelesting
(wetter)toeristebelesting
Neiheffingsoanslach parkearbelesting

Wurdt jo beswier ôfwiisd?

Dan moatte jo dat diel fan de oanslach lykwols noch betelje. It kin wêze dat jo ek ynfoarderingsrinte betelje moatte. Wolle jo dochs alfêst betelje? Gean nei de juste pagina ûnder de kategory Belestingen. Jo kinne mei iDEAL betelje.

Wurdt jo beswier takend?

Dan betelje jo gjin ynfoarderingsrinte.

Wannear krije jo antwurd op jo beswier?

Op syn lêst 31 desimber fan it jier dat jo beswier makke hawwe. Meitsje jo nei 19 novimber beswier? Dan krije jo binnen seis wike antwurd.

Fluch oan: