Fluch oan:

Wêrom dogge wy dit

Yn 2022 hat de gemeente ûndersocht hokker krúspunten yn Ljouwert ûnfeilich binne. It krúspunt Harnzerstrjitwei – Ingelskestrjitte – Nachtegealstrjitte stiet yn de top 10 fan gefaarlikste plakken.

Wurksumheden

Sûnt de simmer fan 2025 wurkje wy oan ferskate ûntwerpen foar it krúspunt. Wy hawwe mei de bewenners praat en har ideeën en soargen meinommen yn de plannen.

Yn oktober 2025 organisearren wy in byienkomst dêr’t wy de fjouwer ûntwerpen presintearren. Bewenners koene de Ferkears- en Untwerpplannen (VOP) besjen en har miening jaan.

De fjouwer ûntwerpen binne:

In top 10 fan de meast neamde oandachtspunten en mieningen fan bewenners hawwe wy sammele yn it dokumint Befiningen ynrinjûn Harnzerstrjitwei.

Utwurkjen ûntwerp minyrotonde

Yn maart 2026 hawwe wy in kar makke foar it nije krúspunt. Wy wurkje it plan foar in minyrotonde fierder út. Op de gearkomst die bliken dat in soad bewenners dizze oplossing it bêste fûnen.
De kommende tiid meitsje ús ferkearssaakkundigen in earste ûntwerp. As dat klear is, litte wy dat oan de buert witte. Yn de simmer fan 2026 stelle wy it definitive ûntwerp fêst.

Planning

  • Foarjier 2026: útwurkjen ûntwerp minyrotonde.
  • Foarjier 2026: foarriedich ûntwerp minyrotonde klear, ynformearjen buert.
  • Simmer 2026: fêststellen definityf ûntwerp.
  • Begjin 2027: wurksumheden sette útein.

Bliuw op ’e hichte!

Wy hâlde bewenners en belutsenen op ’e hichte fia nijsbrieven en advertinsjes. De nijsbrief wurdt op papier yn de buert ferspraat. Ynwenners dy’t har e-mailadres by de byienkomst efterlitten hawwe, krije in persoanlik antwurd. De fragen en antwurden wurde anonimisearre op dizze side pleatst.

Fragen

Nim kontakt op mei de gemeente Ljouwert.