Keninklike ûnderskieding
Jo kinne immen foardrage foar in keninklike ûnderskieding. Ek bedriuwen, organisaasjes of ferieningen kinne in Keninklike ûnderskieding krije.
Wa komt yn oanmerking foar in ûnderskieding
Ynwenners
In ynwenner fan de gemeente Ljouwert komt yn oanmerking foar in lintsje as dyjinge:
- Him/har jierrenlang belangeleas ynset foar de mienskip.
- Mear dien hat as gewoanwei fan immen ferwachte wurde mei.
Bedriuwen, stiftingen of ferieningen
Ek bedriuwen, organisaasjes of ferieningen kinne in Keninklike ûnderskieding krije. Sa’n ûnderskieding is in grutte eare. It lit sjen dat jo organisaasje wichtich is foar de mienskip of ekonomy. Der binne ferskillende soarten Keninklike Underskiedingen:
- It Predikaat Keninklik is foar grutte bedriuwen, ferieningen, stiftingen of ynstellingen dy’t al 100 jier of langer bestean. Se moatte in goede namme hawwe en wichtich wêze foar de maatskippij. Dizze ûnderskieding wurdt meastal útrikt troch de kommissaris fan de Kening, tegearre mei de boargemaster.
- It Predikaat Hofleveransier is foar lytsere en middelgrutte bedriuwen dy’t ek al 100 jier of langer bestean. Se moatte bekend wêze yn de regio en betrouber wêze. Dizze ûnderskieding wurdt útrikt troch de kommissaris fan de Kening of troch de boargemaster.
- De Keninklike Earepenning is foar ferieningen, stiftingen of ynstellingen dy’t wat bysûnders dogge foar de mienskip. Dizze wurdt faak útrikt by in jubileum. De kommissaris fan de Kening of de boargemaster rikt dizze ûnderskieding út, ôfhinklik fan de situaasje.
De útrikking is meastal in feestlik momint. Dit bart bygelyks op Keningsdei, by in jubileum of ûnder in spesjale byienkomst. De Kening is meastal net sels oanwêzich, mar de ûnderskieding komt wol offisjeel fan him. Mear ynformaasje oer de betingsten fine jo op Koninklijk Huis.
Oanfreegje en oanmelde
Wannear freegje jo in lintsje oan?
- Utrikking ûnder lintsjesrein: op syn lêst op 1 juny fan it jier derfoar.
- Utrikking by in bysûndere gelegenheid: op syn lêst 6 moannen foar dy gelegenheid.
Foar it oanmelden fan in ynwenner, bedriuw, organisaasje of ynstelling foar in Keninklike ûnderskieding, folje online it fersykformulier yn.
Wat bart der nei de oanmelding?
- De boargemaster, de kommissaris fan de Kening en it Kapittel foar de Sivile Oarders yn Den Haach jouwe advys oer jo foarstel oan de minister.
- De minister nimt in beslút.
- As de minister akkoart is, ûndertekenet de kening de foardracht.
- De boargemaster ynformearret jo oer dit keninklik beslút.
Wannear is de útrikking?
- By de jierlikse lintsjesrein op de lêste wurkdei foar Keningsdei.
- By in bysûndere gelegenheid, lykas in ôfskied of jubileum.
Fragen of help nedich?
Op de webside Koninklijke Onderscheidingen en Koninklijk Huis fine jo mear ynformaasje. Hawwe jo help nedich of fragen? Nim kontakt op mei de gemeente Ljouwert.
Wa komt yn oanmerking foar in ûnderskieding
Ynwenners
In ynwenner fan de gemeente Ljouwert komt yn oanmerking foar in lintsje as dyjinge:
- Him/har jierrenlang belangeleas ynset foar de mienskip.
- Mear dien hat as gewoanwei fan immen ferwachte wurde mei.
Bedriuwen, stiftingen of ferieningen
Ek bedriuwen, organisaasjes of ferieningen kinne in Keninklike ûnderskieding krije. Sa’n ûnderskieding is in grutte eare. It lit sjen dat jo organisaasje wichtich is foar de mienskip of ekonomy. Der binne ferskillende soarten Keninklike Underskiedingen:
- It Predikaat Keninklik is foar grutte bedriuwen, ferieningen, stiftingen of ynstellingen dy’t al 100 jier of langer bestean. Se moatte in goede namme hawwe en wichtich wêze foar de maatskippij. Dizze ûnderskieding wurdt meastal útrikt troch de kommissaris fan de Kening, tegearre mei de boargemaster.
- It Predikaat Hofleveransier is foar lytsere en middelgrutte bedriuwen dy’t ek al 100 jier of langer bestean. Se moatte bekend wêze yn de regio en betrouber wêze. Dizze ûnderskieding wurdt útrikt troch de kommissaris fan de Kening of troch de boargemaster.
- De Keninklike Earepenning is foar ferieningen, stiftingen of ynstellingen dy’t wat bysûnders dogge foar de mienskip. Dizze wurdt faak útrikt by in jubileum. De kommissaris fan de Kening of de boargemaster rikt dizze ûnderskieding út, ôfhinklik fan de situaasje.
De útrikking is meastal in feestlik momint. Dit bart bygelyks op Keningsdei, by in jubileum of ûnder in spesjale byienkomst. De Kening is meastal net sels oanwêzich, mar de ûnderskieding komt wol offisjeel fan him. Mear ynformaasje oer de betingsten fine jo op Koninklijk Huis.
Oanfreegje en oanmelde
Wannear freegje jo in lintsje oan?
- Utrikking ûnder lintsjesrein: op syn lêst op 1 juny fan it jier derfoar.
- Utrikking by in bysûndere gelegenheid: op syn lêst 6 moannen foar dy gelegenheid.
Foar it oanmelden fan in ynwenner, bedriuw, organisaasje of ynstelling foar in Keninklike ûnderskieding, folje online it fersykformulier yn.
Wat bart der nei de oanmelding?
- De boargemaster, de kommissaris fan de Kening en it Kapittel foar de Sivile Oarders yn Den Haach jouwe advys oer jo foarstel oan de minister.
- De minister nimt in beslút.
- As de minister akkoart is, ûndertekenet de kening de foardracht.
- De boargemaster ynformearret jo oer dit keninklik beslút.
Wannear is de útrikking?
- By de jierlikse lintsjesrein op de lêste wurkdei foar Keningsdei.
- By in bysûndere gelegenheid, lykas in ôfskied of jubileum.
Fragen of help nedich?
Op de webside Koninklijke Onderscheidingen en Koninklijk Huis fine jo mear ynformaasje. Hawwe jo help nedich of fragen? Nim kontakt op mei de gemeente Ljouwert.