City of Literature

Ljouwert-Fryslân is sûnt 31 oktober 2019 ûnderdiel fan it UNESCO Creative Cities Network (UCCN). Dat is in groep fan ûngefear 190 stêden fan oer de hiele wrâld dy’t har ynsette foar in kreative stêd. Bygelyks mei literatuer, design, film of gastronomy. Ljouwert-Fryslân heart by de ‘Cities of Literature’. Dit is in groep fan 28 stêden dy’t gearwurkje op it mêd fan boeken en skriuwen.

Fluch oan:

Lidmaatskip foar ûnbepaalde tiid

It lidmaatskip fan it UNESCO Creative Cities Network is foar ûnbepaalde tiid. Ljouwert moat wol foldwaan bliuwe oan de easken ûnder de kontrôle (audit). Dy audit is elke 4 jier. It lidmaatskip biedt kânsen om bygelyks skriuwers, dichters en oersetters út te wikseljen mei oare stêden. Mar ek it dielen fan kennis en ûnderfining oer literatuer en meartaligens. De klam leit hjirby op it Frysk. Ljouwert wurdt op dizze wize ekstra oantreklik foar kultuertoeristen.

Wat binne de meartalige doelen fan Ljouwert UNESCO City of Literature?

De gemeente Ljouwert hat de kandidaatstelling yntsjinne. Wy binne no de titeldrager en binne ferantwurdlik foar it projekt út namme fan de gemeente Ljouwert, de provinsje Fryslân en LF2028.
De belangrykste doelen fan Ljouwert City of Literature binne:

Profesjonalisearring
Ynternasjonalisearring
Lêsbefoardering
Ynnovaasje

De doelen binne duorsum en meartalich.

Projektpartners

UNESCO Creative Cities

Projektbudzjet

€ 0,-

Mear ynformaasje?

Mear ynformaasje fine jo op de website fan Ljouwert City of Literature.