Subsydzje Fixteam enerzjyearmoed

Fixteams binne frijwilligers dy’t yn eigen buert of doarp bewenners helpe mei lytse enerzjybeparjende maatregels. Se kinne bygelyks helpe by it pleatsen fan tochtstrippen, radiatorfoly, in brievebusboarstel, in wetterbesparjende dûskop en LED-lampen. As Fixteam kinne jo subsydzje oanfreegje. Freegje de subsydzje ‘Fixteam enerzjyearmoed’ oan foar 1 juny 2024.

Fluch oan:

Hoe oanfreegje?

Nim kontakt op mei de gemeente Ljouwert.

Wat hawwe jo nedich foar in oanfraach?

Nei’t jo in petear hân hawwe mei in meiwurker fan de gemeente Ljouwert, freegje jo de subsydzje oan. Jo ûntfange it oanfraachformulier nei it petear. De folgjende dokuminten leverje jo yn by de oanfraach:

It petearferslach fan de meiwurker fan de gemeente Ljouwert.
In nij úttreksel fan de Keamer fan Keaphannel.
Statuten fan jo organisaasje.
Plan fan oanpak mei in omskriuwing fan de aktiviteiten.
Begrutting fan it projekt.

It oanfraachformulier leverje jo yn by de gemeente Ljouwert.

Betingsten

Jim binne in groep frijwilligers út in stifting, koöperaasje, feriening of tsjerkegenoatskip.
Jim hawwe in petear hân mei in meiwurker fan de gemeente Ljouwert oer it fixteam dêr’t it plan fan oanpak by besprutsen is.
Jim kinne foar minimaal 20 en maksimaal 200 wenningen subsydzje oanfreegje.

Hichte subsydzje

€ 50 per wenning dêr’t enerzjybesparjende maatregels dien wurde.
Mooglik ek € 60 per wenning foar de materiaalkosten. Wêr’t dit fan ôfhinget, wurdt mei jim besprutsen yn it petear mei in meiwurker fan de gemeente Ljouwert.

Wet- en regeljouwing

Subsydzjeregeling Fixteams enerzjyearmoed gemeente Ljouwert

Boppesteande wet- en regeljouwing kinne jo ynsjen fia de lanlike foarsjenning Overheid.nl.