Hoarekabedriuwen binne ferdield yn ferskillende gebieten. Oan elk gebiet binne iepeningstiden en slutingstiden keppele. Hoarekabedriuwen bûten dizze gebieten falle automatysk yn Gebiet 3.
Plattegrûn slutingstiden Ljouwert (PDF, 7.53 MB)
Plattegrûn slutingstiden Grou (PDF, 2.22 MB)
Hoarekabedriuwen yn Gebiet 1: gewoane slutingstiid is 05:00 oere
Jo meie in ûntheffing oanfreegje foar frije slutingstiden. Der moat dan fan 03:00 oere ôf in sertifisearre portier oanwêzich wêze.
Hoarekabedriuwen yn Gebiet 2: gewoane slutingstiid is 03:00 oere
Jo meie 6 kear yn it jier in ûntheffing oanfreegje. Jo krije allinnich in ûntheffing foar in bysûnder en tydlik barren, dat bûten de gewoane bedriuwsfiering falt. En dêr’t in lettere slutingstiid needsaaklik by is.
Hoarekabedriuwen yn Gebiet 3: gewoane slutingstiid is 01:00 oere
Jo meie 6 kear yn it jier in ûntheffing oanfreegje foar maksimaal in oere. Dat betsjut dat jo net om 01:00 oere slute, mar om 02:00 oere.
Op de folgjende dagen mei jo hoarekabedriuw oant 02:00 oere iepen wêze. Jo hawwe hjir gjin ûnheffing foar nedich.
- Nijjiersnacht
- beide Peaskenachten
- de nacht nei Keningsdei
- de nacht nei 5 maaie (Befrijingsdei)
- beide Pinksternachten
- beide Krystnachten
- Aldjiersnacht
Kafees en diskoteken yn de doarpen
Jo kinne in ûntheffing foar in tal feestdagen oanfreegje. Mei dizze ûntheffing meie jo oant 05:00 oere iepen bliuwe. Nei 3:00 oere meie jo der gjin nije gasten mear yn litte. It giet om de folgjende feestdagen:
- beide Peaskenachten
- de nacht fóár Keningsdei
- de nacht nei 5 maaie (Befrijingsdei)
- de nacht foar en nei Himelfeartsdei
- beide Pinksternachten
- beide Krystnachten
- Aldjiersnacht
