Urginsjeferoardering
De ynformaasje op dizze side is bedoeld foar alle meiwurkers fan de Fryske gemeenten, de wenningkorporaasjes en de hierdersorganisaasjes yn Fryslân dy’t te meitsjen hawwe of krije mei de Urginsjeferoardering (Húsfestingsferoardering urgint wenningsykjenden Fryslân).
Wat is de Urginsjeferoardering
De Urginsjeferoardering – in earlikere ferdieling fan wenningen troch feroaring yn de Húsfestingswet.
De wenningneed is grut. Just dêrom is it belangryk dat der genôch betelbere wenningen komme én dat der in earlike ferdieling fan wenningen is oer de hiele provinsje Fryslân. In oantal kwetsbere groepen falt no faak tusken wâl en skip. Dat moat oars. Dêrom komt der in regeling foar dizze minsken dy’t fluch in hûs nedich hawwe, de Urginsjeferoardering. Dêrmei komt der in earlikere ferdieling fan sosjale hierwenningen foar dizze kwetsbere ynwenners yn de hiele provinsje. En krije dizze minsken as dat nedich is ûndersteuning by it selsstannich wenjen. Hjir wurkje de 18 Fryske gemeenten oan, yn ’e mande mei de wenningkorporaasjes en oare partijen.
Mei-inoar nimme wy ferantwurdlikheid foar in goed thús foar de kwetsbere ynwenners yn Fryslân.
Dokuminten
Hjirûnder fine jo de dokuminten dy’t sûnt desimber 2024 mei de Fryske gemeenten dield binne:
- 11 maart2025: Parsberjocht – Fryske gemeente soargje mei-inoar foar fluggere húsfesting kwetsbere groepen.
- 16 desimber 2024: Oplizzer by ynformaasjepakket Húsfestingsferoardering urgint wenningsykjenden Fryslân.
- 16 desimber 2024: Untwerp Húsfestingsferoardering urgint wenningsykjenden Fryslân – Algemien.
- 16 desimber 2024: Untwerpt Húsfestingsferoardering urgint wenningsykjenden Fryslân Waadeilannen.
- 16 desimber 2024: Sintrumgemeenteregeling gearwurking oangeande de Húsfestingsferoardering urgint wenningsykjenden Fryslân.
- 16 desimber 2024: Riedsfoarstel.
Planning
| Aksjes gemeenten | Wannear |
|---|---|
| Bypraatsesjes by gemeenterieden | Fanôf desimber 2024 |
| Tastjoeren ynformaasjepakket koördinearjende amtners fan de 18 gemeenten | wike 51 2024 |
| Byienkomst wethâlders alle 18 gemeenten | Jannewaris 2025 |
| Byienkomst Advysrieden Sosjaal Domein (ASD) alle 18 gemeenten | Jannewaris 2025 |
| Behanneljen en fêststellen kolleezjefoarstel troch alle 18 kolleezjes B&W 2025 (sjoch taheakke ynformaasjepakket) | 3 oant en mei 28 febrewaris 2025 |
| Terfyzjelizzing urginsjeferoardering | 10 maart oant en mei 2 maaie 2025 |
| Ynleverjen ynspraakreaksjes troch alle 18 gemeenten | Sa fluch mooglik, uterlik 7 meaaie 2025 |
| Opstellen reaksjenota troch projektorganisaasje urginsjeferoardering | Oant en mei 28 maaie 2025 |
| Tastjoeren 2e ynformaasjepakket amtners fan alle 18 gemeenten | Uterlik 6 juny 2025 |
| Beslútfoarming yn alle 18 kolleezjes B&W | Uterlik 12 septimber 2025 |
| Beslútfoarming yn alle 18 gemeenterieden (feroardering) | Uterlik 24 oktober 2025 |
| Beslútfoarming yn alle 18 kolleezjes B&W (sintrumgemeenteregeling) | Medio novimber 2025 |
| Publisearjen | Ein novimber 2025 |
| Yngean | 1 jannewaris 2026 |
Utlis foar ynwenners Fryske gemeenten
De Urginsjeferoardering – Mear earlike ferdieling fan wenningen troch feroaring yn de Húsfestingswet.
De wenningneed is grut. Just dêrom is it belangryk dat der genôch betelbere wenningen komme én dat der in earlike ferdieling fan wenningen is. In oantal kwetsbere groepen falt no faak tusken wâl en skip. Dat moat oars. Der komt in regeling foar dizze minsken dy’t fluch in hûs nedich hawwe, de Urginsjeferoardering. Dêrmei komt der in earlikere ferdieling fan sosjale hierwenningen foar dizze kwetsbere ynwenners yn de hiele provinsje. En krije dizze minsken as dat nedich is ûndersteuning by it selsstannich wenjen. Hjir wurkje de 18 Fryske gemeenten oan, yn ’e mande mei de wenningkorporaasjes en oare partijen.
Kwetsbere groepen
De groepen wenningsykjenden dy’t ekstra fluch in hûs nedich hawwe (de urginsjegroepen) binne mantelsoarchferlieners/-ûntfangers, minsken mei in earnstige en groanyske medyske eftergrûn. En minsken út maatskiplike opfang, út beskerme wenjen, út de GGZ, út jeugdhelp, út detinsje, of útstap út prostitúsje. De Fryske gemeenten hawwe mei-inoar ôfpraat dat hjir noch in groep wenningsykjenden by heart, nammentlik statushâlders. Gemeenten sille dizze minsken, neist wat der no al dien wurdt, ekstra helpe om oan in sosjale hierwenning te kommen. Gemeenten binne mei dizze nije wetjouwing ferplicht foar dizze minsken in regeling, de Urginsjeferoardering, op te stellen. Dit mei as doel foldwaande wenningen foar dizze urginsjegroepen beskikber te meitsjen. Yn de nije wet wurde ek de omskriuwingen fan de neamde groepen, de urginsjegroepen, wettelik fêstlein.
Gelikense kânsen
De wenningsykjenden dy’t hjir neamd binne, falle no ek al binnen de grutte groep fan alle wenningsykjenden. Mar om’t sy driuwend in hûs nedich hawwe, krije se mei de nije wet foarrang op oare wenningsykjenden. Op dizze wize hawwe se yn alle gemeenten yn Nederlân gelikense kânsen op in hûs. Ek sette alle gemeenten har dan op deselde wize yn foar dizze kwetsbere minsken. En krije se in kâns op in passend hûs.
Tawizing en regels
Minstens twa tredde fan de wenningen dy’t frijkomme foar ferhier gean nei wenningsykjenden dy’t op eigen krêft in wenning sykje kinne. Maskimaal in tredde is foar dy minsken dy’t fluch in hûs nedich hawwe, de urginsjegroepen. Gelikense regels foar elke gemeente soargje derfoar dat de tawizing yn elke gemeente itselde is. Dêrom wurdt dizze Urginsjeferoardering yn 2025 troch elke gemeente yn Fryslân fêststeld.
Mei-inoar nimme wy ferantwurdlikheid foar in goed thús foar de kwetsbere ynwenners yn Fryslân.
Kontakt
Stjoer in e-mail nei urgentieverordening@leeuwarden.nl.
Wat is de Urginsjeferoardering
De Urginsjeferoardering – in earlikere ferdieling fan wenningen troch feroaring yn de Húsfestingswet.
De wenningneed is grut. Just dêrom is it belangryk dat der genôch betelbere wenningen komme én dat der in earlike ferdieling fan wenningen is oer de hiele provinsje Fryslân. In oantal kwetsbere groepen falt no faak tusken wâl en skip. Dat moat oars. Dêrom komt der in regeling foar dizze minsken dy’t fluch in hûs nedich hawwe, de Urginsjeferoardering. Dêrmei komt der in earlikere ferdieling fan sosjale hierwenningen foar dizze kwetsbere ynwenners yn de hiele provinsje. En krije dizze minsken as dat nedich is ûndersteuning by it selsstannich wenjen. Hjir wurkje de 18 Fryske gemeenten oan, yn ’e mande mei de wenningkorporaasjes en oare partijen.
Mei-inoar nimme wy ferantwurdlikheid foar in goed thús foar de kwetsbere ynwenners yn Fryslân.
Dokuminten
Hjirûnder fine jo de dokuminten dy’t sûnt desimber 2024 mei de Fryske gemeenten dield binne:
- 11 maart2025: Parsberjocht – Fryske gemeente soargje mei-inoar foar fluggere húsfesting kwetsbere groepen.
- 16 desimber 2024: Oplizzer by ynformaasjepakket Húsfestingsferoardering urgint wenningsykjenden Fryslân.
- 16 desimber 2024: Untwerp Húsfestingsferoardering urgint wenningsykjenden Fryslân – Algemien.
- 16 desimber 2024: Untwerpt Húsfestingsferoardering urgint wenningsykjenden Fryslân Waadeilannen.
- 16 desimber 2024: Sintrumgemeenteregeling gearwurking oangeande de Húsfestingsferoardering urgint wenningsykjenden Fryslân.
- 16 desimber 2024: Riedsfoarstel.
Planning
| Aksjes gemeenten | Wannear |
|---|---|
| Bypraatsesjes by gemeenterieden | Fanôf desimber 2024 |
| Tastjoeren ynformaasjepakket koördinearjende amtners fan de 18 gemeenten | wike 51 2024 |
| Byienkomst wethâlders alle 18 gemeenten | Jannewaris 2025 |
| Byienkomst Advysrieden Sosjaal Domein (ASD) alle 18 gemeenten | Jannewaris 2025 |
| Behanneljen en fêststellen kolleezjefoarstel troch alle 18 kolleezjes B&W 2025 (sjoch taheakke ynformaasjepakket) | 3 oant en mei 28 febrewaris 2025 |
| Terfyzjelizzing urginsjeferoardering | 10 maart oant en mei 2 maaie 2025 |
| Ynleverjen ynspraakreaksjes troch alle 18 gemeenten | Sa fluch mooglik, uterlik 7 meaaie 2025 |
| Opstellen reaksjenota troch projektorganisaasje urginsjeferoardering | Oant en mei 28 maaie 2025 |
| Tastjoeren 2e ynformaasjepakket amtners fan alle 18 gemeenten | Uterlik 6 juny 2025 |
| Beslútfoarming yn alle 18 kolleezjes B&W | Uterlik 12 septimber 2025 |
| Beslútfoarming yn alle 18 gemeenterieden (feroardering) | Uterlik 24 oktober 2025 |
| Beslútfoarming yn alle 18 kolleezjes B&W (sintrumgemeenteregeling) | Medio novimber 2025 |
| Publisearjen | Ein novimber 2025 |
| Yngean | 1 jannewaris 2026 |
Utlis foar ynwenners Fryske gemeenten
De Urginsjeferoardering – Mear earlike ferdieling fan wenningen troch feroaring yn de Húsfestingswet.
De wenningneed is grut. Just dêrom is it belangryk dat der genôch betelbere wenningen komme én dat der in earlike ferdieling fan wenningen is. In oantal kwetsbere groepen falt no faak tusken wâl en skip. Dat moat oars. Der komt in regeling foar dizze minsken dy’t fluch in hûs nedich hawwe, de Urginsjeferoardering. Dêrmei komt der in earlikere ferdieling fan sosjale hierwenningen foar dizze kwetsbere ynwenners yn de hiele provinsje. En krije dizze minsken as dat nedich is ûndersteuning by it selsstannich wenjen. Hjir wurkje de 18 Fryske gemeenten oan, yn ’e mande mei de wenningkorporaasjes en oare partijen.
Kwetsbere groepen
De groepen wenningsykjenden dy’t ekstra fluch in hûs nedich hawwe (de urginsjegroepen) binne mantelsoarchferlieners/-ûntfangers, minsken mei in earnstige en groanyske medyske eftergrûn. En minsken út maatskiplike opfang, út beskerme wenjen, út de GGZ, út jeugdhelp, út detinsje, of útstap út prostitúsje. De Fryske gemeenten hawwe mei-inoar ôfpraat dat hjir noch in groep wenningsykjenden by heart, nammentlik statushâlders. Gemeenten sille dizze minsken, neist wat der no al dien wurdt, ekstra helpe om oan in sosjale hierwenning te kommen. Gemeenten binne mei dizze nije wetjouwing ferplicht foar dizze minsken in regeling, de Urginsjeferoardering, op te stellen. Dit mei as doel foldwaande wenningen foar dizze urginsjegroepen beskikber te meitsjen. Yn de nije wet wurde ek de omskriuwingen fan de neamde groepen, de urginsjegroepen, wettelik fêstlein.
Gelikense kânsen
De wenningsykjenden dy’t hjir neamd binne, falle no ek al binnen de grutte groep fan alle wenningsykjenden. Mar om’t sy driuwend in hûs nedich hawwe, krije se mei de nije wet foarrang op oare wenningsykjenden. Op dizze wize hawwe se yn alle gemeenten yn Nederlân gelikense kânsen op in hûs. Ek sette alle gemeenten har dan op deselde wize yn foar dizze kwetsbere minsken. En krije se in kâns op in passend hûs.
Tawizing en regels
Minstens twa tredde fan de wenningen dy’t frijkomme foar ferhier gean nei wenningsykjenden dy’t op eigen krêft in wenning sykje kinne. Maskimaal in tredde is foar dy minsken dy’t fluch in hûs nedich hawwe, de urginsjegroepen. Gelikense regels foar elke gemeente soargje derfoar dat de tawizing yn elke gemeente itselde is. Dêrom wurdt dizze Urginsjeferoardering yn 2025 troch elke gemeente yn Fryslân fêststeld.
Mei-inoar nimme wy ferantwurdlikheid foar in goed thús foar de kwetsbere ynwenners yn Fryslân.
Kontakt
Stjoer in e-mail nei urgentieverordening@leeuwarden.nl.