Melding wen-, wurk- en leefomjouwing.

Alles wat defekt is of better kin yn jo wen-, wurk- of leefomjouwing (iepenbiere romte) kinne jo trochjaan oan de gemeente. Tink dêrby oan:

• ûnkrûd op strjitte
• Ynvasive eksoat lykas de Reuzereadskonk, de Reuzebearepoat en de Springbalsemyn
• ikeprosessyrûp
• swerfôffal
• graffity
• hûnepoep
• stikkene lantearnpeallen/stoaring iepenbiere ferljochting
• lûdsoerlêst fan bedriuwen en eveneminten
• ferkearsfeiligens yn jo buert
• beareklauwen
• fjoerwurkoerlêst (brûk kategory Sosjale Oerlêst - Fjoerwurkoerlêst
• wetterstân / wetterpeil
  • Giet it om in fiver of in gemaal yn in stedspark: jou jo melding troch.
  • Giet it om in oare fraach of klacht: nim kontakt op mei it Wetterskip.
• ensfh.

Jo kinne ek sosjale oerlêst melde. Foar oerlêst dy't hieltiten weromkomt, kinne jo terjochte by it Meldpunt Oerlêst. Tink dêrby oan lûdsoerlêst fan de buorlju, drugoerlêst, hingjongeren ensfh.

Ek mei 'stille' problemen kinne jo terjochte by Meldpunt Oerlêst. Bygelyks as jo it fermoeden fan bernemishanneling ha of as jo tinke dat ien himsels fertutearzget.
 

• Digitaal: digitaal trochjaan mei help fan jo DigiD.
  Kinne jo it krekte adres of lokaasje net yn 'e list fine? Jou jo melding dan troch fia it telefoannûmer 14058.
• Telefoanysk: fia telefoannûmer 14058 ûnder iepeningstiden fan de gemeente Ljouwert
• App: fia de "MijnGemeente app". Dy app kinne jo dellade yn de Play Store of App Store

Foar spoedeaskjende melding, bûten iepeningstiden fan it Gemeentehûs en de mooglik oertrêding fynt op dit stuit plak: nim kontakt op mei de Polysje fia 0900-8844.

Stoaring of skea oan iepenbiere ferljochting

Stoarings en/of skea oan de iepenbiere ferljochting kinne jo melde fia Moononline

Miljeuoertrêdings

Miljeuoertrêdings kinne jo op ferskillende wizen trochjaan.

Wat bart dêrnei mei myn melding?

• Jo melding wurdt trochjûn oan de ferantwurdlike persoan of ôfdieling. Dat kin ek in eksterne partij wêze.
• Oan eltse melding is in noarmtiid keppele. Dat is it skoft dêr't in melding yn ôfhannele wêze moat. Dy noarmtiden ferskille de kategory.
• Sadree't jo in melding trochjûn ha, ûntfange jo in befêstiging fan dy melding:
  • Fan in telefoanyske melding ûntfange jo in skriftlike befêstiging
  • Fan in digitale melding ûntfange jo in befêstiging fia de mail

Fan eveneminten kinne jo oerlêst ha oangeande lûd, ôffal, it fierde belied, parkearen, ensfh.

As jo it fermoeden ha dat de organisaasje fan in evenemint yn de gemeente Ljouwert de foarskriften oertrêdet, dan kinne jo in melding trochjaan. 
Meldings wurde, foar safier't soks kin, ûnder it evenemint oppakt en neitiid meinaam by de evaluaasje.

Gean nei de side Oerlêst troch eveneminten foar mear ynformaasje of om in melding te meitsjen.

Elkenien hat him te hâlden oan de maatregels dy't jilde.

Sjogge jo op guon plakken dat der struktureel en massaal byinoarkommen wurdt?
Of dat der bygelyks op in plak struktureel gjin rekken holden wurdt mei 1,5 meter ôfstân?

Meld dit by ús Meldpunt Oerlêst.

De fundearring is de konstruksje dy't in pân draacht. As in fundearring it pân net mear drage kin, kin dat op termyn in soad skea feroarsaakje. In minne fundearring kin liede ta skuorren, fersakkingen of sels ynstoartingsgefaar. It is dêrom wichtich kennis te hawwen fan de steat fan de fundearring.

De provinsje Fryslân, Wetterskip Fryslân en de Fryske feanweidegemeenten ha mienskiplik it Fundearringsloket Fryslân ynsteld. Hjir kinne jo fundearringsskea melde en ynformaasje krije oer de stappen dy't jo dêrnei sette kinne om in fundearring ûndersykje en werstelle te litten.