Fluch oan:

Oanfraachformulier subsydzjeregeling

Download it oanfraachformulier Subsydzje Struktuerfersterking en Fitalisearring Noardwest-Fryslân en folje it yn. Stjoer it formulier op nei de gemeente Ljouwert. Jo meie it ek ynleverje op it Gemeentehûs. Meikoarten kinne jo dizze subsydzje ek digitaal oanfreegje.

Fitalisearringsfûns

As part far dizze Regio Deal is it Fitalisearringsfûns betocht. Yn it Fitalisearringsfûns is € 7.419.980,- beskikber foar projekten dy’t oanslute by dizze doelen. Om it Fitalisearringsfûns út te fieren, is de subsydzje Struktuerfersterking en Fitalisearring Noardwest-Fryslân betocht.

Doel fan de subsydzje

It doel fan de subsydzje Struktuerfersterking en Fitalisearring Noardwest-Fryslân is om projekten mooglik te meitsjen dy’t de leefberens yn ’e regio Noardwest-Fryslân fersterkjen. Se helpe mei oan ien of mear fan de folgjende tema’s:

  • Wenjen: it ferbetterjen fan de wen- en leefûmjouwing, bygelyks troch wennings oan te bieden foar elke libbensfase dy’t foar elk betelber binne, ferduorsumjen, en goed gebrûk meitsjen fan besteande beboude gebieden.
  • Wolwêzen/sûnens en soarch: it oanbieden fan in sûne en foar elk geskikte wen- en leefûmjouwing en ynnovative soarch, benammen foar âlderein en ynwenners dy’t soarch nedich hawwe.
  • Underwiis: it bieden fan goede kânsen foar bern en jongerein, sadat sy har goed ûntwikkelje kinne.

Betingsten

  • De folgjende partijen kinne in oanfraach yntsjinje:
    • Besletten fennoatskippen (BV’s);
    • Nammeleaze fennoatskippen (NV’s);
    • Fennoatskippen ûnder firma (VOF’s);
    • Stiftingen;
    • Ferieningen;
    • Gemeenten;
  • As jo in oanfraach yntsjinje wolle as BV, NV of VOF, moatte jo gearwurkje mei fjouwer oare partijen dy’t net by itselfde bedriuw hearre.
  • De subsydzje dy’t jo krije kinne, is maksimaal 65% fan de subsidiabele kosten fan it projekt.
  • It minimale oanfraachbedrach is € 162.500,-. Dit betsjut dat de minimale totale kosten fan it projekt € 250.000,- binne.
  • It maksimale oanfraachbedrach is € 750.000,-.

Beoardieling fan jo oanfraach

De advyskommisje Fitalisearringsfûns besjocht de oanfragen dy’t kompleet ynlevere binne foar it ein fan de oanfraachperioade. Mear ynformaasje oer de oanfraachperioades fine jo ûnder it kopke ‘Trije oanfraachperioades’ op dizze side. Yn dizze kommisje sitte 5 ynwenners fan de regio en in sekretaris fan de gemeente. Sy jouwe advys oan de Bestjoerstafel fan de Regio Deal. De gemeente lit jo witte wêrom’t jo wol of gjin subsydzje krije foar jo idee.

Betingsten

De subsydzjeoanfragen wurde beoardiele op de folgjende betingsten:

  • it idee moat passe by de tema’s en doelen fan de Regio Deal;
  • it idee helpt de leefberens fan Noardwest-Fryslân te ferbetterjen en/of jildt foar meardere gemeenten;
  • it idee soarget foar in feroaring yn ’e regio dy’t lang duorret en ferskate partijen wurkje gear;
  • it idee is nij of noch net earder besocht.

In oanfraach wurdt ôfwiisd as:

  • It idee net mei op grûn fan gemeentlik belied;
  • ien fan de regels yn kêst 9 fan de Subsydzjeregeling Struktuerfersterking en Fitalisearring Noardwest-Fryslân jildt;
  • ien fan de regels fan kêst 1, lid 13, fan de Algemiene Subsydzjeferoardering gemeente Ljouwert 2025 jildt.

Trije oanfraachperioades

It beskikbere bedrach wurdt ferdield oer trije perioades:

  1. Subsydzjeperioade 1: fan 1 augustus 2025 oant en mei 3 oktober 2025. Totale hichte fan de subsydzje foar subsydzjeperioade 1 is € 3.000.000,-.
  2. Subsydzjeperioade 2: fan 1 desimber 2025 oant en mei 23 jannewaris 2026. Totale hichte fan de subsydzje foar subsydzjeperioade 2 is € 2.350.000,-.
  3. Subsydzjeperioade 3: fan 1 oktober 2026 oant en mei 20 novimber 2026. Totale hichte fan de subsydzje foar subsydzjeperioade 3 is € 2.069.980,-.

Fragen

Nim kontakt op mei de gemeente Ljouwert.

Wet- en regeljouwing

De folgjende regeljouwing fine jo op ’e webside Overheid.nl (lokaal):

  • Subsydzjeregeling Struktuerfersterking en Fitalisearring Noardwest-Fryslân.
  • Algemiene Subsydzjeferoardering gemeente Ljouwert 2025.