Parkearboete (neiheffingsoanslach)

Yn de gemeente Ljouwert jildt op in soad plakken betelle parkearen. Parkearjild kinne jo betelje mei jo betelpas of in parkearapp op jo telefoan.

De parkearkontroleur skriuwt in boete (neiheffingsoanslach) út as:

• it parkearkaartsje of de fergunning ûntbrekt
• it parkearkaartsje of de fergunning ferrûn is
• it kaartsje net goed sichtber efter it foarrút pleatst is
• der te min jild yn in parkearmeter dien is

De neiheffingsoanslach wurdt berekkene oer de parkeardoer fan 1 oere. Dêrneist wurdt, neffens in wetlik tastien taryf, in bedrach oan kosten yn rekken brocht.

Op de neiheffingstaslach stiet in nûmer dêr't jo oan sjen kinne op hokker datum en tiid de neiheffingstaslach útskreaun is. De earste 6 sifers fan it nûmer binne de datum.

• De neiheffingsoanslach moat binnen 30 dagen nei de deitekening betelle wurde. By betelling graach it oanslachnûmer en it subjektnûmer as skaaimerk/omskriuwing fermelde.
   

• It bankrekkennûmer fan de gemeente Ljouwert is: NL10BNGH0285100343
  BIC: BNGHNL2G (nedich om út it bûtenlân wei oermeitsje te kinnen)
  O.n.f. Gemeente Ljouwert
  Omskriuwing: oanslachnûmer en subjektnûmer (dy nûmers stean rjochtsboppe op it oanslachformulier)

  Betelje jo út it bûtenlân wei? Fermeld it oanslachnûmer en subjektnûmer by de betelling. Hâlde jo rekken mei in mooglike langere ferwurkingstiid by de bank.

• Wannear't jo it totale bedrach net foar de lêste beteldatum betelle ha, moatte jo ynfoarderingskosten en eventueel ynfoarderingsrinte betelje. Dizze rinte wurdt berekkene fan de earste dei nei de ferfaldatum ôf oant de dei dat jo betelje.

Moat ik de neiheffing wol of net betelje?

De neiheffingsoanlsach moat gewoan betelle wurde. Ek al ha jo beswier yntsjinne. As jo net op 'e tiid betelje, kin dit liede ta hegere kosten.

It giet om in oankundiging fan beskikking en gjin neiheffingsoanslach

Yn dit gefal moatte jo wachtsje oant jo in akseptgiro ûntfongen hawwe fan it Sintraal Justisjeel Ynkasso Buro (CJIB). Hjirop stiet fermeld hoe't jo beswier meitsje kinne. Dit stiet ek neamd op de boete.

Hoe en wannear tsjinje ik in beswierskrift yn?

Sjoch foar mear ynformaasje op de pagina "Beswierskrift yntsjinje".