Koroanafirus (COVID-19)

As jo net beslist lâns hoege te kommen op it Gemeentehûs, stel jo besite dan út. Fia dizze webside kinne jo sels, digitaal, in soad regelje. Slagget dit net, of hawwe jo oare fragen? Nim dan kontakt op mei ús callcenter fia telefoannûmer 14 058.

Ekstra maatregels foar besikers Gemeentehûs

Wy nimme ekstra maatregels foar besikers fan it Gemeentehûs:

• As it mooglik is, wolle wy jo freegje om allinnich te kommen.
• It is ferplichte om in mûlkapke te dragen.
  Dit jildt net as der in medyske reden is wêrtroch't jo gjin mûlkapke drage kinne.
• By ynkomst wurdt jo frege om jo NAW-gegevens efter te litten. Dit foar it gefal dat der in kontaktûndersyk fia de GGD nedich is.
• Under it wachtsjen hâlde jo op syn minst 1.5 meter ôfstan fanelkoar. 
• By ynkomst wurdt jo frege jo hannen te waskjen of desynfeksje gel te brûken.
• Betellingen by foarkar mei pin.

Tsjinsten fan Boargersaken allinnich op ôfspraak

De ôfdieling Boargersaken wurket allinnich noch op ôfspraak. Wolle jo witte oft jo in ôfspraak meitsje kinne? Nim dan kontakt op mei ús call center fia telefoannûmer 14 058. Der wurdt mei jo besprutsen oft in ôfspraak needsaaklik is, of dat it mooglik noch wachtsje kin.

Iepeningstiden Gemeentehûs

It Gemeentehûs is iepen op moandei oant en mei freed fan 08:30 oant 17:00 oere. Der binne foarearst gjin jûnsiepenstellings.

Gemeentehûs sletten op

• 2 april yn ferbân mei Goed Freed.
• 5 april yn ferbân mei Twadde Peaskedei
• 27 april yn ferbân mei Keningsdei
• 5 maaie yn ferbân mei Befrijingsdei
• 13 en 14 maaie yn ferbân mei Himelfeartsdei
• 24 maaie yn ferbân mei Twadde Pinksterdei
• 24 desimber yn ferbân mei Krystjûn (fan 13:00 oere ôf)
• 31 desimber yn ferbân mei Aldjiersdei (fan 13:00 oere ôf)

Allinnich foar oerlêstmeldings dy't ferbân hâlde mei de jierwiksel kinne jo oant 17:00 oere skilje mei telefoannûmer 14 058 of in melding trochjaan fia social media (Twitter, Facebook en WhatsApp).

Maatregels yn ienfâldige taal

Lês op de webside fan de Ryksoerheid de nije regels yn ienfâldige taal.

Lês op de webside fan Pharos begryplike ynformaasje oer it koroanafirus yn 13 talen.

Lockdown om kontakten ta in minimum te beheinen

It oantal besmettings mei koroana sakket in bytsje. Dat is goed nijs en moat sa bliuwe. Mar it oantal besmettings moat flugger sakje.
Dêrom bliuwt de lockdown yn elts gefal oant en mei 9 febrewaris. Sadat it oantal minsken mei koroana yn it sikehûs fluch minder wurdt. Bliuw dus thús.

Oersjoch fan maatregels

Oant en mei yn elts gefal 9 febrewaris 2021 jildt:

• Fan sneon 23 jannewaris jildt in jûnsklok. Jo meie net nei bûten tusken 21:00 oere jûns en 04:30 oere moarns. Utsein as dat echt moat.
  Moatte jo ûnder de jûnsklok foar it wurk nei bûten? Jo ha hjirfoar in 'Eigen ferklearring jûnsklok' en in 'Wurkjouwersferklearring jûnsklok' nedich. Jo wurkjouwer jout dizze ferklearring. De jûnsklok duorret oant 10 febrewaris 04:30 oere moarns. Mear ynformaasje fine jo op de webside fan de Ryksoerheid.

• Untfang thús net mear as 1 persoan fan 13 jier en âlder op in dei.

• Gean net faker as 1 kear deis ergens op besite.

• Wurkje thús. Allinnich minsken dy't essinsjeel binne foar de fuortgong fan in bedriuwsproses en dy't har wurk net thús dwaan kinne, meie nei it wurk komme.  

• Gean allinnich nei bûten mei leden fan dyn húshâlding of mei in groepke dat út net mear as 2 minsken bestiet.

• De measte lokaasjes binne sletten:

  • Winkels (útsein foar essinsjele saken lykas libbensmiddels)

  • Lokaasjes fan kontaktberoppen lykas kappers, neilstudio's, seksynrjochtingen

  • Teäters, konsertsealen, bioskopen, kasino's, ensfh.

  • Bisteparken, pretparken, ensfh.

  • Binnensportlokaasjes lykas sportskoallen, swimbaden, sauna's, wellness, ensfh.

  • Restaurants en kafees

• Hotels binne iepen, mar restaurants en roomservice yn in hotel binne ticht.
   
• Folwoeksenen sport allinnich of mei har twaën, en allinnich bûten. Bern o/m 17 jier meie sporte yn teamferbân en meie wedstriden ûnderling spylje, mar ek allinnich bûten.
   
• Meitsje allinnich gebrûk fan it iepenbier ferfier foar strikt needsaaklike reizen.
   
• Fan moandei 25 jannewaris 2021 ôf meie der op syn meast 50 minsken oanwêzich wêze by in begraffenis. 
   

• Bliuw yn Nederlân. Gean net op reis nei it bûtenlân en boek gjin bûtenlânske reizen oant en mei maart. Der jilde reisbeheiningen. 
  Der binne in protte soargen oer nije foarmen fan it firus. Bygelyks de Britske fariant. Minsken dy't nei Nederlân komme, moatte 2 negative koroanatesten hawwe:

  • in 'gewoane' test dy't net âlder is as 72 oeren;

  • in fluchtest dy't se flak foar fertrek dwaan litte.

Utsûnderingen

• De soarch moat safolle mooglik tagonklik bliuwe. Utfierders fan (para)medyske beroppen meie trochwurkje.
• Winkels dy't foaral libbensmiddels ferkeapje, drogisterijen, apoteken, optisiens, audisiens, winkels foar reparaasje en ûnderhâld meie iepen bliuwe. Doch-it-selssaken meie in ôfhelfunksje ynrjochtsje.
• Servicepunten foar it ûntfangen en ferstjoeren fan pakketten meie iepen bliuwe.
• Lokaasjes foar saaklike tsjinstferliening (banken, hypoteekferstrekking, makelders) bliuwe iepen. It loket fan de gemeente, de rjochtbank en oare oerheidslokaasjes bliuwe ek iepen.
• Boeken ôfhelje by biblioteken bliuwt mooglik.
• Buerthuzen bliuwe iepen foar tsjinstferliening oan kwetsbere minsken.
• Topsporters yn de topsportkompetysjes meie traine en wedstriden spylje.  

Net ferjitte

• Hâld altyd 1,5 meter ôfstân.
• Gean net nei plakken dêr't it drok is.
• Prúst en hoastje yn jo earmtakke.
• Waskje faak jo hannen mei sjippe.
• Binne jo ferkâlden? Bliuw dan thús!
• Ha jo koarts of binne jo benaud? Dan moatte alle húsgenoaten thús bliuwe.
• Wurkje safolle mooglik thús.

(Boarne: Rijksoverheid.nl)

Maatregels Binnenstêd

• Driuwend advys om mûl-/noaskapkes te dragen yn publike romtes
  
  pdf Hoe gebruik ik een niet - medisch mondkapje. (PDF, 1.27 MB)
   

• Op sneon is de binnenstêd (Wurdumerdyk en Nijstêd) ferkearsfrij foar auto's, fytsen, skooters en oar ferkear. De merk wurdt dan op strjitte pleatst en de strjitte wurdt brûkt troch fuotgongers.

• Lytse Tsjerkestrjitte, Lombardsteech en Doelesteech
  Dizze strjitten binne smel en faak hiel drok. As dat nedich is wurdt hjir ienrjochtingsferkear tapast om de drokte te regeljen. De rinrjochting wurdt op it plak sels op grûn fan it oantal besikers en harren rinrûte bepaald.

• Om genôch ôfstân bewarje te kinnen en romte te jaan oan fuotgongers binne ûndersteande strjitten op sneonen fuotgongerssône. Hjir meie gjin fytsers komme en de fytserekken yn it fuotgongersgebiet binne ûnbrûkber makke.
  - Nijstêd
  - Wurdumerdyk
  - Sint Jabiksstrjitte

• De fyts kinne jo parkeare op de folgjende plakken. Hjir binne ekstra (ûnbewekke) fytsestallings makke:
  - Op it plein by de Mercuriusfontein (ein Wurdumerdyk) 
  - Willemskade (ein Wurdumerdyk)
  - Grientemerk (tusken 't Naauw en Kelders)
  - Part Ruterskertier tusken de Doelesteech en Wurdumerdyk

• Maatregels Skrâns
  Om genôch romte te jaan oan de fuotgongers op de Skrâns binne de fytserekken op de stoepen ûnklear makke. Fytsen kinne jo stalle yn de ekstra fytsestallings op de parkearplakken yn de middenberm. 

Brêgen

Om romte te jaan oan de terrassen fan ûndernimmers is it Ruterskertier op tongersdei oant en mei snein fan 16.00 oant 01.00 oere ôfsletten foar motorisearre ferkear. Dizze maatregel is ferlingd oant 1 april 2021

Dat hâldt yn dat de bussen fan Arriva in rûte folgje fia de Westersingel.
Om dit mooglik te meitsjen hat Provinsje Fryslân op de tongersdei en freed de spitsôfslutig fan brêgen foarearst ferromme nei in perioade fan 16.00 oant 18.30 oere.
Dizze ferromming is ferlingd oant 1 april 2021.

Sjoch foar mear ynformaasje oer de brêgebetsjinningstiden en de eventuele marifoankanalen op de websidepagina "Brêgebetsjinningstiden”.

It faksinearjen tsjin it koroanafirus is yn folle gong. Mei in faksinaasje tsjin it koroanafirus beskermje jo josels, mar ek jo famylje, freonen en de kwetsbere minsken om jo hinne. Sa soarget faksinearjen derfoar dat wy stapke foar stapke mear frijheid weromkrije. Fan moandei 1 febrewaris 2021 ôf krije thúswenjende 85-plussers yn ús gemeente in oprop fan it RIVM foar in faksinaasje tsjin it koroanafirus. Lês bygeande fragen en antwurden foar mear ynformaasje.

Gean nei de webside fan GGD Fryslân foar mear ynformaasje oer faksinearjen tsjin it koroanafirus yn gemeente Ljouwert en Fryslân.
Wolle jo as frijwilliger helpe om minsken nei faksinaasjelokaasjes te ferfieren? Lês mear ynformaasje op de webside fan Amaryllis Ljouwert. 

Hokker ynwenners krije in opropbrief foar de faksinaasje?

Thúswenjende 85-plussers. Ynwenners yn in ferpleech- of fersoargingshûs wurde almeast yntern faksinearre.

Wannear krije ynwenners de opropbrief?

Alle thúswenjende 90-plussers ha al berjocht hân fia de húsdokter. Thúswenjenden mei in leeftyd tusken de 85 en 90 jier ûntfange fan 30 jannewaris ôf de brief fan it RIVM.

Is de faksinaasje ferplichte?

Nee

Wannear kin de ynwenner faksinearre wurde?

Ynwenners wurde faksinearre fan 26 jannewaris ôf oant en mei begjin april (earste en twadde prip).

Wêr kin de ynwenner faksinearre wurde?

De priklokaasje is foar hiel Fryslân it WTC gebou yn Ljouwert. It is nei alle gedachten ek noch mooglik om fan maart ôf yn Snits of Drachten de faksinaasje te krijen. Hjiroer folget letter mear ynformaasje.

Wat moatte ynwenners sels noch regelje om faksinearre te wurden?

Ynwenners moatte sels kontakt opnimme mei de GGD om in ôfspraak foar de faksinaasje te meitsjen. Sy meitsje twa ôfspraken, om't sy twa kear faksinearre wurde moatte. Telefoannûmer GD: 0800-7070 (berikber fan 8.00 oant 20.00 oere, 7 dagen yn 'e wike).

Op hokker wize wurdt it ferfier nei it FEC organisearre?

Wy freegje fan ús ynwenners om mei eigen ferfier nei de priklokaasje te reizgjen. Mocht dit net slagje, dan freegje wy in berop te dwaan op it sosjale netwurk (bern, buorlju en sa mear).

Wat as in ynwenner net mei eigen ferfier of troch it ynskeakeljen fan it sosjale netwurk nei de priklokaasje komme ki?

• De ynwenner hat in taksypas fan de Wmo
  • De ynwenner mei de twa ritten nei de priklokaasje reizgje mei it Wmo-ferfier. Foar wachttiden wurde ekstra kosten yn rekken brocht. De gemeente jout hjir foar ien kear tastimming foar (wurdt troch de gemeente rjochtstreeks oan Witteveen kompinsearre).
• De ynwenner kin troch in frijwilliger brocht wurde
  • ​​​​​​De ynwenner kin telefoanysk kontakt opnimme mei 14058 en krijt dan in telefoannûmer fan in frijwilliger en nimt sels kontakt op om it ferfier ûnderling te regeljen.
• De ynwenner wol net troch in frijwilliger ferfierd wurde
  • De ynwenner kin kontakt opnimme mei in taksyferfierder. De ynwenner hat frije kar. De kosten dêrfan binne foar eigen rekken.
• Wat as in ynwenner hjir gjin gebrûk fan meitsje kin en dochs faksinearre wurde wol?
  • De ynwenner kin in ôfspraak meitsje by de húsdokter. De húsdokter hat op dit stuit nei alle gedachten noch gjin geskikt faksin. It duorret yn dat gefal langer ear't de ynwenner de faksinaasje krije kin.

Bliuw safolle mooglik thús

Besjoch hokker maatregels der op dit stuit binne ûnder it kopke "Maatregels mei yngong fan 15 desimber".

Binne jo siik?

• Bliuw thús by ferkâldheidsklachten, lykas noasferkâldheid, dripnoas, prústen, seare kiel, licht hoastjen of ferheging oant 38 graden Celsius.
• Ha jo koarts en/of benaudens? Dan bliuwe ek húsgenoaten thús, As jo 24 oeren lang gjin klachten hawwe, meie jo wer nei bûten. 
• Lit jo teste by klachten. Sjoch foar mear ynformaasje op de webside fan de Ryksoerheid.

Binne jo 70 jier of âlder en ha jo in kwetsbere sûnens?

• Wês ekstra foarsichtich. It kin ferstannich wêze om foarearst noch safolle mooglik thús te bliuwen.

Mij drokte en jou elkoar de romte.

• Soargje dat jo altyd op 1,5 meter ôfstân fan oaren bliuwe kinne.
• Is dat net mooglik, gean dan ergens oars hinne.

Fakânsjebestimming hat koade oranje? Bliuw dan 10 dagen thús!

Ha jo mei fakânsje west yn 'oranje gebiet'? It ministearje fan Bûtenlânske Saken jout it driuwende advys om dan 10 dagen thús te bliuwen.
Dit hjit thúskarantêne. De gemeente Ljouwert nimt it advys fan it ministearje oer. Lês op de webside fan de Ryksoerheid wat thúskarantêne ynhâldt.

Wolle jo witte oft jo bestimming in negatyf reisadvys hat? Sjoch foar mear ynformaasje op de webside "Nederland Wereldwijd"Folje by "Reisadvies" jo bestimming yn.

Ferjit net!

• Waskje faak jo hannen.
• Hoastje en prúst yn de binnenkant fan jo earmtakke.
• Brûk papieren bûsdoekjes om jo noas te snuten en smyt se dêrnei fuort.
• Skodzje gjin hannen.
• Hâld 1,5 meter ôfstân (2 earmlingtes) fan oaren.
• 70-plussers of minsken mei in kwetsbere sûnens binne ekstra foarsichtich.
• Wurkje safolle mooglik thús.
• Bliuw thús by ferkâldheidsklachten.
• Mij drokte (gean fuort as jo gjin 1,5 meter ôfstân hâlde kinne nei oaren ta).

Skoallen en universiteiten bliuwe oant en mei 7 febrewaris ticht. Sy jouwe oant dy tiid les op ôfstân, fia de kompjûter. Ek basisskoallen en berne-opfang bliuwe ticht. De regearing sjocht oft dy mooglik fan 25 jannewaris ôf wer iepen kinne.

Utsûnderingen lessen en eksamens

Guon learlingen meie wol nei skoalle. Lessen op skoalle meie trochgean as:

• bern thús yn in lestige situaasje sitte;
• learlingen yn it eksamenjier sitte en tentamens of eksamens dwaan moatte;
• learlingen praktykrjochte ûnderwiis folgje lykas yn it vmbo.

Boppesteande betsjut yn de gemeente Ljouwert it folgjende:

Oant en mei 7 febrewaris bliuwe primêr ûnderwiisynstellings dêr't needopfang nedich is iepen. Fan woansdei 16 desimber ôf is de berneopfang iepen foar âlden dy't in kontrakt ha mei de berne-opfang foar it oantal oeren dat yn it kontrakt ôfpraat is en fan wa't ien fan de âlden wurksem is yn in krúsjaal berop. Ek wurdt needopfang bean oan bern yn in kwetsbere posysje. Dit bart altyd yn ôfstimming mei de belutsen organisaasjes en Amaryllis. Bern wurde safolle mooglik op har eigen lokaasje opfongen.

Op woansdei 30 desimber wurdt troch de bestjoeren fan ûnderwiis en opfang yn gearspraak mei skoallen en berne-opfanglokaasjes bepaald hokker lokaasjes oant 7 febrewaris iepen wêze sille.

In list fan dizze lokaasjes wurdt dêrnei publisearre troch de gemeente Ljouwert, op webside en sosjale media. De ynstellingen ferspriede dizze gegevens ek ûnder de âlden/fersoargers.

Utgongspunten

• It wichtichste útgongspunt is dat der safolle mooglik lokaasjes foar ûnderwiis & needopfang iepen bliuwe yn de gemeente Ljouwert;
• Needopfang dy't troch in berne-opfangorganisaasje bean wurdt is allinnich beskikber foar bern fan âlden dy't in kontrakt ha mei de berne-opfang en foar it oantal oeren dat yn it kontrakt ôfpraat is. Let op: Dit is dus oars as de situaasje fan ferline maitiid. Wurkje jo yn in krúsjaal berop en wolle jo ûnder reguliere iepeningstiden gebrûk meitsje fan ekstra berne-opfang: nim yn dat gefal kontakt op mei jo berne-opfangorganisaasje.
• Wurkje jo yn in krúsjaal berop en ha jo gjin kontrakt mei in berne-opfangorganisaasje en wolle jo dochs needopfang, nim dan kontakt op mei in berne-opfangorganisaasje.
• Wy freegje oan skoallen en berne-opfangorganisaasjes by tuskentiidske wizigingen yn iepenstelling, dat sa gau mooglik troch de jaan fia onderwijsenopvang@leeuwarden.nl;
• Wy freegje oan âlden dy't gebrûk meitsje wolle fan in needopfanglokaasje dat op syn lêst om 16:00 oere de deis foarôfgeand oan de dei dat de opfang nedich is, troch te jaan oan de needopfanglokaasje.
• Mei algemiene fragen, opmerkingen en/of fersiken oer bygelyks needopfang fan jo bern wannear't jo noch gjin relaasje ha mei in skoalle of opfang, kinne jo jin melde fia onderwijsenopvang@leeuwarden.nl.

De algemiene regels mei yngong fan 15 desimber 

• Alle kafees en restaurants binne sletten. Ofhelrestaurants meie iepen.
• Kafees en restaurants yn oare gebouwen moatte ticht.
  Bygelyks yn museums.

Op de webside fan de ryksoerheid fine jo mear ynformaasje oer it koroanafirus en de hoareka.

Bist hoareka-ûndernimmer yn ús gemeente? Mear ynformaasje fynst op de side Help foar ûndernimmers om it Koroanafirus hinne

Der binne ekstra maatregels ynset om it koroanafirus ûnder kontrôle te krijen. 

De stipe giet safolle mooglik troch

Soarchferliening - lykas út de Wmo, jeugdwet of Wet langduorjende soarch - giet safolle mooglik troch. Meiwurkers út dizze kontaktberoppen meie harren wurk útfieren bliuwe binnen de rjochtlinen fan it RIVM. Dit betsjut dat der altyd op ôfspraak wurke wurdt, safolle mooglik digitaal en as dat nedich is fysyk mei 1,5 meter ôfstân. Ek fynt der in checkpetear plak by kontakt tusken meiwurker en kliïnt.

Buert- en doarpskeamers

De buert- en doarpskeamers binne der mei yngong fan 1 jannewaris. Op www.lwdvoorelkaar.nl/buurtendorpskamers stiet in oersjoch fan de lokaasjes, de iepeningstiden en de kontaktgegevens. As immen in helpfraach hat, dan kin dyjinge telefoanysk kontakt opnimme mei Amaryllis. Foar oare fragen kin der kontakt opnommen wurde mei de buert- of doarpskeamer. Fanwege de koroanamaatregels kinne net alle aktiviteiten yn de buert- en doarpskeamers plakha. Wat binnen de maatregels past, giet gewoan troch. Sagau't it kin, wurde de aktiviteiten útwreide.

Help by húshâlden en (praktyske) thúshelp

Help by húshâlden en praktyske thúshelp gean troch. Dizze wurksemheden kinne almeast útfierd wurde mei ynactnimmen fan de 1,5 meter ôfstân. Thúshelp hat yn haadsaak plak fia digitaal of telefoanysk kontakt. As dat nedich is, is in fysike ôfspraak mooglik binnen de rjochtlinen. MIEP Húshâldservice en Thússoarch Het Friese Land biede fan 1 jannewaris 2021 ôf help by húshâlden. Oanfragen kinne dien wurde fia www.hbhleeuwarden.nl.   

Deibesteging

Ek deibesteging giet safolle mooglik troch. De lokaasjes binne ynrjochte op de koroanamaatregels. De nedige oanpassingen binne ôfhinklik fan de lokaasje. Dit betsjut dat de ynfolling fan de deibesteging ferskille kin per lokaasje. Der wurdt yn lytsere groepkes wurke. Ek de dagen om mei-inoar yn 'e kunde te kommen foar de nije kliïnten, gean troch. Binnen de rjochtlinen.  

Mear ynformaasje oer it koroanafirus stiet op www.lwdvoorelkaar.nl/nl/coronavirus-covid-19

Soarchprofessionals bûten it sikehûs

(Wmo begelieding, deibesteging, húshâldlike help, lytsskalich wenjen, beskerme wenjen, frouljusopfang, ensfh.)

Ynformaasje fine jo op de webside fan it RIVM

Krúsjale beroppen en ferwizing nei ús wurkwize ûnderwiis en needopfang

Ynformaasje fine jo op de webside fan de Ryksoerheid.

It gebrûk fan persoanlike beskermingsmiddels (PBM) troch meiwurkers dy't stipe jouwe út de Wet maatskiplike stipe (WMO) wei

Ynformaasje fine jo op de webside fan it RIVM. 

Algemiene ynformaasje oer it koroanafirus en de soarch

Ynformaasje fine jo op de webside fan de Ryksoerheid.

Rjochtlinen

De koroanamaatregels reitsje ek it Wmo-taksyferfier. De gemeente nimt hjiryn de ferantwurdlikeheid om ferfier oan te bieden binnen de RIVM-rjochtlinen. De soarchferfierssektor hat, krekt as oare sektoaren, protokollen opsteld om ferfier sa ferantwurde mooglik út te fieren. Hjirûnder alle regels foar it WMO-taksyferfier yn ús gemeente op in rychje.

Deselde rjochtlinen as it reguliere iepenbier ferfier

Foar it Wmo-taksyferfier jilde deselde rjochtlinen as yn it reguliere iepenbier ferfier.
 

Allinnich needsaaklik ferfier

De gemeente docht in berop op de eigen ferantwurdlikheid fan minsken om echt allinnich needsaaklike ritten te meitsjen.

Reizgje net as jo klachten hawwe

As jo ferkâlden binne, in seare kiel of koarts hawwe. Bliuw dan thús.

Ferplichte in mûlkapke drage

Minsken dy't gebrûk meitsje fan it Wmo-taksyferfier moatte ûnder harren rit in mûlkapke drage.
Kinne jo om medyske redenen gjin mûlkapke drage? Ha jo dêr in medyske ferklearring foar?
Dan kinne jo in tydlike yndikaasje krije foar yndividueel Wmo-taksyferfier. Belje hjirfoar mei ien fan ús Wmo-konsulinten fia telefoannûmer 14 058. Binne der oare omstannichheden wêrtroch't jo tinke dat jo yndividueel ferfier nedich hawwe? Ek dan kinne jo kontakt opnimme mei de Wmo-konsulint fia

Meipassazjiers mooglik

It is sa as gewoanlik mooglik dat der mear passazjiers tagelyk yn de bus fan Wmo-ferfier sitte. Dan is 1,5 meter ôfstân net altyd mooglik. (Dêrom is it mûlkapke ek ferplichte.)

Ekstra hygiënemaatregels

De ferfierder fan it Wmo-ferfier soarget foar ekstra hygiënemaatregels.

Protokol soarchferfier
 

Hast plannen om dit jier in evenemint te organisearjen?

• Fan 14 oktober 2020 ôf binne eveneminten opnij ferbean.
• Dit stiet yn de Needferoardering.

Yn it koart de spulregels foar it sporten: 

• Bûten mei op syn meast mei twa persoanen sporten wurde, sa lang't der op syn minst 1,5 tusken sit.
• Yn in binnenromte is sporten net tastien.
• Groepslessen bûten meie net plakfine.
• Sporte foar folwoeksenen is allinnich tastien as it mooglik is om ûnderling 1,5 meter ôfstân te hâlden.
• Der wurde gjin wedstriden spile.
• Foar topsporters jilde útsûnderingen.
• Bern en jongerein oant en mei 17 jier hoege by it sporten ûnderling gjin 1,5 meter ôfstân te hâlden.Mar der wurde gjin wedstriden spile tsjin sporters fan oare ferieningen. Underlinge trainingspartijen meie wol. Bern mei klachten bliuwe thús.
• Publyk by sport is net tastien.
• Sportkantines, klaaikeamers en dûsen binne ticht.

(boarne: rijksoverheid.nl)

Sjoch op de webside fan de Ryksoerheid foar mear ynformaasje.

Wy kinne it ús hiel goed yntinke dat jo as ûndernimmer fragen hawwe oer alle regelingen om it Koroanafirus hinne. Wilens binne der in soad ynstânsjes aktyf mei it jaan fan ynformaasje.

Op de side 'Help foar ûndernimmers om it Koroanafirus hinne' stiet alle ynformaasje dy't foar jo fan tapassing wêze kin.

• De Tydlike Stipe Needsaaklike Kosten (TONK) is in needmaatregel foar húshâldens dy't troch omstannichheden yn slimme finansjele problemen driigje te kommen.

• Der is noch neat bekend by de Gemeente hoe't dizze regeling der krekt útsjen sil. Sagau't der mear bekend is sil publikaasje plakha op de Webside fan de Gemeente en in berjochtjouwing yn Huis aan Huis.

Maatregels

De maatregels tsjin de fersprieding fan it koroanafirus ha ek foar de kulturele - en kreative sektor yn de gemeente Ljouwert grutte gefolgen. Lês hjir hokker stipemaatregels der nommen wurde om de kulturele sektor mei betellingsproblemen yn 'e mjitte te kommen en tydlik finansjele romte te jaan.  

Gemeentlike maatregels

De folgjende stipemaatregels nimt de gemeente Ljouwert foar de kulturele sektor: 

• Mooglikheid ta it (foar in part) earder útkearen fan de jierlikse subsydzje. 
• Yn reedlikens omgean mei prestaasje-ôfspraken en ferplichten dy't hearre by de ferliende subsydzje.
• Trochbeteljen fan aktiviteiten dy't ko-finansiering ûntfange. 
• Mooglikheid ta tydlik útstel fan hierbetelling (wannear't der in hierkontrakt is mei de gemeente).
• Mooglikheid ta útstel fan betelling fan gemeentlike belestingen.
• Foar ferliende subsydzjes út de ynsidintele kulturele regelingen wei wêrfan't aktiviteiten fanwege de koroanakrisis net trochgien binne, kin in fersyk yntsjinne wurde om de aktiviteit mei behâld fan subsydzje letter út te fieren.
  Is dit net mooglik, dan kin in fersyk yntsjinne wurde om de al makke kosten net werom betelje te hoegen.
• De folgjende regels jilde foar subsydzjeûntfangers:
  
  pdf Beleidsregels tegemoetkoming subsidieontvangers (PDF, 756.58 KB)

Foar al dizze maatregels wurdt fan maatwurk útgien en hat oerlis plak per ynstelling of oanfreger.

Selsstannige kulturele ûndernimmers dy't yn 'e knel komme troch de koroanakrisis kinne in berop dwaan op de regeling Tozo (Tijdelijke Overbruggingsregeling Zelfstandig Ondernemers), wannear't sy oan de betingsten foar dizze regeling foldogge. Buro Selsstannigen Fryslân fiert dizze regeling út foar gemeente Ljouwert.

Foar kulturele ûndernimmers (ek zzp'ers) binne in oantal regelingen te finen op de webside Undernimmend Ljouwert.

Provinsjale maatregels

De Provinsje Fryslân hat in oantal maatregels nommen as in plande subsydzje-aktiviteit fanwege it koroanafirus net trochgean kin. Op de webside fan De Provinsje Fryslân lêze jo hokker maatregels dit binne.

Ryksmaatregels

It ministearje fan Underwiis, Kultuer en Wittenskip (OCW) hat nau oerlis mei de kulturele sektor, de gemeenten, provinsjes, de 6 kultuerfûnsen en de private fûsen. Op de webside fan de Ryksoerheid lêze jo wat der dien wurdt om de gefolgen fan de koroanakrisis foar de kreative en kulturele sektor te beheinen.  

Fierder is de ryksregeling TOGS beskikber steld. Dizze regeling jildt no ek foar ûnderskate type ûndernimmingen yn de kultuersektor. Mear ynformaasje is te finen op de webside Rykstsjinst foar Undernimmend Nederlân

Kontakt

Nim foar mear ynformaasje kontakt op mei de gemeente Ljouwert of stjoer in e-mail nei teamcultuur@leeuwarden.nl.

Húshâldlik ôffal en bedriuwsôffal

Dit wurdt ophelle neffens de planning op de ôffalkalinder. Mar net alles giet troch, of yn oanpaste foarm. Omrin hat in spesjale liveblog om jo op 'e hichte te hâlden fan de lêste ûntwikkelingen oangeande de ynsammeling fan ôffal, iepeningstiden, eveneminten en mear.

Maatregels miljeustrjitte

Om rigen wachtsjenden oanmerklik te bekoartsjen is by de miljeustrjitten Ljouwert, Grou en Stiens in tiidslotservice ynfierd. Jo kinne dêrom allinnich noch op ôfspraak nei jo miljeustrjitte. Sa wurde lange wachtrigen tefoaren kommen en wurde jo flugger holpen om jo ôffal goed skiede te kinnen.

Reservearje de tiid dy't jo it bêste útkomt, dit kin hiel ienfâldich fia:

• De ôffalapp fan Omrin (te downloaden fia de Aplle App Store of Google Play Store)
• De webside fan Omrin

Ha jo gjin digitaal mooglikheid? Skilje dan mei de klanteservice fan Omrin fia 090 210 0 215.

Estafette Recyclewinkel

Alle Estafette Recyclewinkels binne fanwege de lockdown per direkt sletten foar winkeljend publyk. Wol bliuwt ynbring fan werbrûkber guod, op lokaasje, by de miljeustrjitten en opheltsjinst, mooglik. Sjoch foar de iepeningstiden en maatregels y.f.m. Koroana op de webside fan Omrin.

Grienbehear

De Bûtentsjinst fan de gemeente Ljouwert wurket fanwege de maatregels mei minder kollega's. Meldingen fan ûnkrûd wurde dêrom op in letter momint oppakt. Allinnich needsaaklike wurksemheden gean troch. 

Iepeningstiden Parkeargaraazjes

Jo kinne 24 oeren deis útride. Abonneminthâlders kinne altyd yn- en útride.
Fan 1 novimber oant en mei 31 desimber 2020 kinne jo fan 09.00 - 12.00 fergees parkeare yn alle parkeargaraazjes yn de Ljouwerter binnenstêd: Saailân, Aldehou, Hoeksterein, Klanderij en Easterstrjitte.  

Moandei oant en mei sneon

• Saailân: 24 oeren deis iepen
• Aldehou: fan 07.00 oant 19.00
• Hoeksterein: fan 07.00 oant 22.00
• Klanderij: fan 07.00 oant 19.00 (sneons ticht)
• Easterstrjitte: fan 07.00 oant 19.00

Snein

• Saailân: 24 oeren deis iepen
• Aldehou: ticht
• Hoeksterein: fan 07.00 oant 19.00
• Klanderij: ticht
• Easterstrjitte: ticht

Iepeningstiden fytsestallingen

• Saailân: moandei oant en mei sneon iepen fan 07.30 oant 19.00 oere. Snein iepen fan 12.00 oant 18.00 oere.
• Sint Jabiksstrjitte: hiele wike ticht
• Fytsestalling NS: de stalling yn Ljouwert bliuwt iepen. Om derfoar te soargjen dat de meiwurkers op in ôfstân fan 1,5 meter fan de reizger bliuwe, hat de NS besletten de fytsestalling kommende tiid folslein fergees te meitsjen.

Help nedich? Help ferliene? Ljouwert Helpt!

De needsaaklike maatregels om de fersprieding fan it koroanafirus tsjin te gean, ha in grutte ynfloed. Foaral kwetsbere groepen, lykas âlderen en minsken mei in swakke sûnens, kinne help brûke. Ek wurknimmers yn de soarch stean ûnder hege druk. De problemen binne wrâldwiid, mar de fraach nei stipe kinst allinnich lokaal oplosse. Gelokkich binne der al in hiel soad inisjativen yn Ljouwert en de doarpen opset, want in soad minsken wolle wat foar in oar dwaan. 

It online platfoarm 'Ljouwert Helpt' is sa'n inisjatyf. Sjoch op de webside 'Ljouwert Helpt' foar wat sy organisearre hawwe en wat jo dwaan kinne!

Bygelyks boadskippen dwaan foar in âldere buorman/buorfrou of ien mei in fitaal berop, de hûn útlitte, nei de apoteek gean, iten rûnbringe, brieven skriuwe, belje mei immen dy't thús bliuwe moat of yn in rêsthûs sit sûnder besikers.

Stipepunt koroanasoargen

De (wikseljende) maatregels om de fersprieding fan COVID-19 foar te kommen, reitsje ús allegear. Foar de ien ha de maatregels grutte gefolgen yn it deistich libben, de oare rekket it minder. By it Stipepunt Koroanasoargen fine jo ynformaasje oer hoe't je mei jins gefoelens en soargen omgean kinne. Wêr nedich krije jo trochferwizingen foar help. Mear ynformaasje fine jo op www.steunpuntcoronazorgen.nl.

Harkline

De Harkline is 24/7 berikber foar elk. De Harkline is dei en nacht berikber foar in fertroulik petear oer de telefoan, chat en mail. Dat betsjut 24 oeren deis, 7 dagen wyks in lústerjend ear foar elk. Us 1500 goed trainde frijwilligers biede stipe en treast oan minsken dy't har iensum fiele, soargen ha of har ferhaal kwyt wolle. De Harkline falt ûnder de Wet Maatskiplike Stipe (WMO) en wurdt finansierd troch it Ministearje fan VWS. Mei útsûndering fan lokale belkosten is de Harkline fergees. Mear ynformaasje fine jo op www.luisterlijn.nl.

Help by karantêne
 

Moatte jo 10 dagen yn (thús)karantêne? Dit betsjut dat jo binnen bliuwe en gjin besite ûntfange. Hjirmei foarkomme jo fersprieding fan it koroanafirus. Wy begripe dat it foar jo lestich wêze kin om 10 dagen binnen bliuwe te moatten. Der is stipe en help beskikber yn dizze perioade as jo dy nedich hawwe:

• Psychososjale help, lústerjend ear, wmo-foarsjenningen                          
  Amaryllis, soarchoanbieders en De Harkline
• Praktyske help
  Safolle mooglik fia www.leeuwardenhelpt.nl en oars Amaryllis
• Medyske soarch en stipe:                                                                  
  Soarchoanbieders foar deibesteging & begelieding. Amaryllis foar mantelsoarchstipe en fierder GGD / hûsarts
• Ynkommensstipe
  Sosjale Saken gemeente en UWV
• Ferbliuw
  Fia Gemeente & GGD

Freedsmerk

De freedsmerk op it Wilhelminaplein giet troch. De kreamkes stean wat fierder útelkoar.
Hâlde jo jin ek op de merk oan 1,5 meter ôfstân fan elkoar.

Mear romte by de sneonsmerk

De Nijstêd is elke sneon autofrij. Dan wurdt de merk (foar in part) op de dyk pleatst om mear romte te kreëarjen foar besikers. Foar helptsjinsten bliuwt der altyd genôch romte oer.

Jiermerk

De Jiermerken binne oant 1 july ta ôflast fanwege de Koroanamaatregels.

• Wolle jo mear witte oer it firus en wat jo dwaan kinne om tefoaren te kommen dat jo siik wurde? Mear ynformaasje fine jo op de webside fan GGD Fryslân, de webside fan de Ryksoerheid en op de webside fan it RIVM. 
• Ha jo nei it lêzen fan de ynformaasje op de boppeneamde websiden noch fragen oer it firus? Nim dan kontakt op mei it publyksynformaasjenûmer fan de Ryksoerheid fia 0800-1351. Ut it bûtenlân wei is it nûmer te berikken troch te beljen nei +312 0205 1351.
• Foar fragen oer de eigen sûnens: nim kontakt op mei de hûsdokter of mei GGD Fryslân op 088 22 99 222 (op wurkdagen tusken 09.00 - 17.00 oere). Check earst de neamde websiden foardat jo belje.